Baraiazarra Soinuetxea Gernika-Lumon dagoen denda bat da, musika tresnak saldu eta konpontzeko zerbitzua eskaintzen duena. Hamarkada askotako esperientzia dugu atzean akordeoiaren sektorean.
Baraiazarra Soinuetxeak 1984an ireki zituen ateak Kepa Baraiazarraren eskutik. Aita Santi Baraiazarrak,ofiziotako arotzak, denda zabaltzera animatu zuen Kepa. Santik, zura lantzeaz gain, era guztietako musika-tresnak atontzen zituen, baita eliza-dorreetako erlojuak eta koruetako harmonia zaharrak ere.
26 urterekin egin zuen lehen akordeoia eta bere kabuz ikasi zuen erromerietako doinuak buruz ikasten.
Errigoitiko Zabale auzoko baserrira inguruko musikari batzuk joaten ziren akordeoiak konpondu edo afinatzera. Horrela, Kepa trebetasuna eskuratzen hasi zen aitari lagunduz.
Lehen urteak nahiko gogorrak izan arren, denboraren poderioz Baraiazarra Soinuetxea trikitilari eta soinujoleen arteko erreferentzia puntua bihurtu da. Musikari profesional asko joaten dira dendara beren instrumentuekin. Eskusoinuak Gernika-Lumoko dendara bidaltzen dira Euskal Herritik, Herrialde Katalanetatik, Galiziatik eta espainiar estatutik.
Gaur egun, Endika Urlezaga arduratu da lanbide eder horri jarraipena emateaz. Kepa aitarekin bezala, Endikak Keparengandik ikasi du trikitixak eta akordeoiak konpontzen eta afinatzen. Horrela, lanbide honi jarraipena ematen dion hirugarren belaunaldia da.